Putin On Donald Trump : डॉनल्ड ट्रम्प बहादूर नेते !

रशियाचे राष्ट्राध्यक्ष व्लादिमिर पुतिन यांच्याकडून कौतुक

मॉस्को (रशिया) – रशियाचे राष्ट्राध्यक्ष व्लादिमिर पुतिन यांनी अमेरिकेचे नवनियुक्त राष्ट्राध्यक्ष डॉनल्ड ट्रम्प यांना शुभेच्छा देत ‘ते एक बहादुर नेते आहेत’ असे म्हटले आहे. मुळात गेल्या काही वर्षांपासून रशिया आणि अमेरिका यांच्यात तणाव वाढला होता. युक्रेन युद्धावरून दोन्ही देशात संबंध ताणले गेले आहेत.

पुतिन यांनी ट्रम्प यांच्यावर जुलै महिन्यात झालेल्या गोळीबाराच्या घटनेवर आता म्हटले की, मी ट्रम्प यांचे त्या वेळचे वागणे पाहिले आहे. ते धैर्यवान आहेत. ट्रम्प यांच्याशी बोलण्यास आणि दोन्ही देशातील संबंध सुधारण्यास आम्ही सिद्ध आहोत. अमेरिकेच्या भूमिकेकडे आमचे लक्ष आहे.