Ladakh Tank Accident : लडाखमध्ये रणगाड्याच्या सरावाच्या वेळी झालेल्या अपघातात ५ सैनिकांचा मृत्यू

लेह (लडाख) – लडाखमधील दौलत बेग ओल्डी भागात नदी ओलांडण्याच्या सरावाच्या वेळी झालेल्या अपघातामध्ये ५ सैनिकांचा मृत्यू झाला. के. रेड्डी, भूपेंद्र नेगी, अकदुम तयबम, ए. खान आणि नागराज पी. अशी त्यांची नावे आहेत. ‘टी-७२’ रणगाडा नदी ओलांडत असतांना अचानक नदीच्या पाण्याच्या पातळीत वाढ झाल्याने हा अपघात झाला. ही घटना रात्री १ वाजता घडली. रणगाड्यातील सैनिकांचे मृतदेह नदीतून बाहेर काढण्यात आले आहेत. टी-७२ रणगाड्यामध्ये ३ जण असतात; मात्र सराव चालू असतांना त्यात ५ सैनिक होते. हा रणगाडा ५ मीटर (१६.४ फूट) खोलपर्यंत नद्या पार करण्यास सक्षम आहे.