‘२२.१.२०२४ या दिवशी अयोध्या येथे श्रीराममंदिरात प्रभु श्रीरामांच्या मूर्तीच्या प्राणप्रतिष्ठेचा मुहूर्त होता. त्या वेळी मी घरी नामजप करत होते. जप करतांना मला एक वटवृक्ष दिसला. ‘तो हिंदु राष्ट्राचा वटवृक्ष आहे’, असे मला वाटले. त्या वेळी देवाने सुचवलेले विचार पुढे दिले आहेत.
१. ‘अयोध्या नगरीत श्री रामलल्ला विराजमान होणे’, हा दिवस हिंदु राष्ट्राच्या पायाभरणीचा दिवस असणे
२२.१.२०२४ या दिवशी अयोध्या नगरीत सृष्टीचा पालनकर्ता श्रीविष्णु श्री रामलल्लाच्या स्वरूपात विराजमान झाला आहे. हा दिवस हिंदु राष्ट्राच्या पायाभरणीचा दिवस आहे. आज ब्रह्मांडातील देवी-देवता, यक्ष, गंधर्व, किन्नर, ऋषिमुनी आणि इंद्रादी देवता अवकाशातून पुष्पवृष्टी करत आहेत. ‘वर्ष २०१९ मध्ये न्यायालयात श्रीराममंदिराविषयी निकाल लागून भव्य मंदिर निर्माणकार्य होणे’, ही हिंदु राष्ट्राची छोटी-छोटी मुळे आहेत.
२. वाईट शक्तींच्या विनाशाच्या दृष्टीने धर्मक्रांती होऊन सृष्टीची शुद्धी होणे
वर्ष २०२४ ते २०३० या कालावधीत हिंदु राष्ट्राच्या अनुषंगाने वाईट शक्तींच्या विनाशाच्या दृष्टीने धर्मक्रांती, तीव्र प्राकृतिक आपत्काळ आणि महाविनाशकारी तिसरे महायुद्ध यांच्या माध्यमातून देव सार्‍या सृष्टीची शुद्धी करणार आहे.
३. पाश्चात्त्य संस्कृती न आचरता आर्य सनातन वैदिक संस्कृतीनुसार आचरण चालू होणे
वर्ष २०२५ ते २०३० या कालावधीत सृष्टीच्या शुद्धीच्या प्रक्रियेनंतर जे जीव अस्तित्वात असतील, ते हिंदु राष्ट्र प्रत्यक्ष घडवणारे पायाभूत घटक असतील. तेव्हा प्रत्येक जिवाची पातळी न्यूनतम ५५ टक्के असेल. त्या वेळी समाजव्यवस्थेमध्ये कृतीच्या स्तरावर परिवर्तन होईल, उदा. ‘भ्रष्टाचार करणे पाप आहे, नारीशक्तीचा सन्मान करणे’, यांसारख्या तत्त्वांची समाजमनात जागृती करणे, घराघरांतून कृतीच्या स्तरावर धर्माचरण घडणे, हे कार्य होईल. थोडक्यात, पाश्चात्त्य संस्कृती न आचरता सनातन वैदिक संस्कृतीनुसार आर्य आचरण चालू होईल.
४. मनुष्यजन्माचे ध्येय ईश्वरप्राप्ती असणे आणि याविषयी जागृतीचे कार्य होणे
वर्ष २०३० ते २०४० या कालावधीत समाजमनाचे मानसिक स्तरावर परिवर्तन होईल. ‘मनुष्यजन्माचे ध्येय ईश्वरप्राप्ती असून आपली सर्व कायिक, वाचिक आणि मानसिक कर्मे त्या दृष्टीने योग्य क्रियमाणासहित असायला हवीत’, या दृष्टीने जागृतीचे कार्य होणार आहे.
५. हिंदु राष्ट्रासाठी पोषक असा समाज निर्माण होणे आणि पूर्ण सृष्टीच सनातनमय होणे
वर्ष २०४० ते २०७४ या कालावधीत समाजमनाचे आध्यत्मिक स्तरावर परिवर्तन होईल. यासाठी अधिक काळ लागणार आहे; कारण स्थूल आणि मानसिक पालटापेक्षा सूक्ष्म स्तरावर परिवर्तन होण्यास स्वभावदोष, अहं आणि प्रारब्ध यांमुळे अडथळे येतात. त्यांवर मात करत करत हिंदु राष्ट्रासाठी पोषक असा समाज निर्माण होईल.
त्यानंतर त्या वर्षाच्या शेवटी हिंदुत्वनिष्ठ संघटना समाजमनात विलीन होतील. त्यांचा हिंदु राष्ट्राच्या स्थापनेचा उद्देश पूर्ण होईल, म्हणजे पूर्ण सृष्टीच सनातनमय असेल.
६. जिवाचे प्रत्येक कर्म हे साधना म्हणून होणे आणि सर्व काही भगवंताच्या इच्छेनुसार होणे
वर्ष २०७५ मध्ये खर्‍या अर्थाने हिंदु राष्ट्र येईल, म्हणजे सकाळी उठल्यापासून ते झोपेपर्यंत जिवाचे प्रत्येक कर्म हे साधना म्हणून असेल. सृष्टीचे नियमन आणि संचालन भगवंताच्या इच्छेनुसार असेल. अशा प्रकारे पुढच्या ५० वर्षांत सृष्टीचे काळानुसार ३ प्रकारे शुद्धीकरण होऊन हिंदु राष्ट्र स्थापन होईल.’
– अधिवक्त्या (सौ.) किशोरी कुलकर्णी, अंबरनाथ, ठाणे. (१.२.२०२४)
|
श्रीराममंदिर झाले आता वेळ बळकट राष्ट्र मंदिर उभारणीची !
होमिओपॅथी वैद्या सुश्री (कु.) आरती तिवारी यांना त्यांचे वडील पू. सत्यनारायण तिवारी यांची सेवा करतांना जाणवलेली सूत्रे आणि आलेल्या अनुभूती
स्वतःच्या मनाच्या स्थितीच्या संदर्भात साधिकेला जाणवलेली सूत्रे
कलाकारांनो, कला ईश्वरप्राप्तीसाठी असल्याने कला शास्त्रशुद्ध, सात्त्विक पद्धतीने आणि भावपूर्णपणे सादर करून ईश्वराचे आशीर्वाद मिळवा !’
श्रीसत्शक्ति (सौ.) बिंदा नीलेश सिंगबाळ यांनी साधकांना केलेले मार्गदर्शन !
देवतेचे चित्र आणि श्री गुरूंचे छायािचत्र यांच्यामध्ये आध्यात्मिक दृष्टीकोनातून असलेला भेद !