अयोध्येतील प्रभु श्रीरामाच्या भव्य मंदिराचे भावपूर्ण दर्शन घेऊया !

११.११.२०१९ या दिवशी अनेकानेक वर्षांपासून रामरायाच्या आगमनाची वाट पहाणार्‍या शिळांना सनातन संस्थेचे संस्थापक सच्चिदानंद परब्रह्म डॉ. आठवले यांच्या आध्यात्मिक उत्तराधिकारी श्रीसत्‌शक्ति (सौ.) बिंदा सिंगबाळ आणि श्रीचित्‌शक्ति (सौ.) अंजली गाडगीळ यांनी स्पर्श केला. हा अतिव प्रेमळ स्पर्श हे गेली अनेक वर्षे या भूमीला मुक्त करण्यासाठी लढणारे रामभक्त, ‘राममंदिराची उभारणी होईलच’, या श्रद्धेने शिळा घडवणारे आदी सर्वांच्या परिश्रमांना केलेले अभिवादनच होते ! या रामनामधारी शिळा ‘अयोध्येत श्रीराममंदिर उभारण्यासह साधकांच्या मनात आत्मारामाची स्थापना होऊन सारी भारतभू राममय व्हावी’, या संकल्पाच्या वाहक आहेत. त्या संकल्पाच्या पूर्तीसाठी ही अयोध्यायात्रा हा भगवंताचा मोठा आशीर्वाद आहे !