श्रीनगरमध्ये पोलीस हवालदारावर गोळीबार करणार्‍या ३ ‘हायब्रिड आतंकवाद्यां’ना अटक !

(‘हायब्रिड आतंकवादी’ म्हणजे अशा व्यक्ती ज्या आतंकवादी आक्रमण केल्यानंतर सर्वसाधारण जनतेचा भाग बनून स्वत:चे काम करू लागतात.)

श्रीनगर – श्रीनगर पोलिसांनी ३ ‘हायब्रिड आतंकवाद्यां’ना अटक केली आहे. जम्मू-काश्मीरच्या पोलीस महानिरीक्षकांनी ही माहिती दिली. या आतंकवाद्यांवर ९ डिसेंबर या दिवशी पोलीस हवालदार महंमद हाफीज चाक यांच्यावर गोळीबार केल्याचा आरोप आहे. या वेळी त्यांनी हवालदारावर ६ गोळ्या झाडल्या होत्या. या आक्रमणात ते गंभीर घायाळ झाले असून त्यांच्यावर रुग्णालयात उपचार चालू आहेत.