काश्मीर विधानसभेत काश्मिरी हिंदूंसाठी २, तर पाकव्याप्त काश्मिरींसाठी १ जागा नामनिर्देशित करणारी २ विधेयक संसदेत सादर !

नवी देहली – लोकसभेत केंद्रीय गृहमंत्री अमित शहा यांनी काश्मीरच्या विधानसभेत विस्थापित काश्मिरी हिंदूंसाठी २ जागा आणि पाकव्याप्त काश्मीरमधील विस्थापित लोकांसाठी १ जागा नामनिर्देशित करण्याची तरतूद करणारी २ विधेयक मांडली. काश्मीरसाठीच्या २ जागांमध्ये एक महिला असणे अनिवार्य असणार आहे. याखेरीज राज्यातील ९० सदस्यीय विधानसभेत अनुसूचित जातीसाठी ९ जागा राखीव ठेवण्याची तरतूद आहे.