रुग्णवाहिकेच्या साहाय्यकावर चाकूचे वार करून निर्घृण हत्या !

नवी मुंबई – नेरूळ येथे डॉ. डी.वाय. पाटील रुग्णालयासमोर रुग्णवाहिका साहाय्यकाला चौघांनी गाडीतून खाली खेचून बाहेर काढले. त्याला बांबूने बेदम मारहाण केली. त्याच्यावर चाकूचे वार केले. यात त्याचा मृत्यू झाल्याची निश्‍चिती झाल्यावर त्याच्या मानेत खुपसलेला चाकू तशाच अवस्थेत टाकून आरोपींनी पळ काढला. या प्रकरणी नेरूळ पोलीस ठाण्यात गुन्हा नोंद झाला असून एका संशयितास कह्यात घेतले आहे. युवराज अंजमेंद्र सिंह असे मृत व्यक्तीचे नाव आहे. तो रुग्णवाहिकेवर साहाय्यक आणि वेळप्रसंगी चालकाचे काम करत होता. हत्येमागील कारण समजू शकलेले नाही. या प्रकरणी एका संशयिताला कह्यात घेतले असून पोलीस अन्य आरोपींचा शोध घेत आहेत.