श्रीरामलल्लाची मूर्ती साकारणारे शिल्पकार अरुण योगीराज यांची प्रतिक्रिया !

मैसुरू (कर्नाटक) – अयोध्येतील श्रीराममंदिरातील दान चोरीविषयी प्रतिक्रिया व्यक्त करतांना श्रीरामलल्लाची मूर्ती साकारणारे शिल्पकार श्री. अरुण योगीराज म्हणाले, ‘‘या घटनेमुळे देश-विदेशातील कोट्यवधी भक्तांना तीव्र धक्का बसला आहे.’’ अयोध्येतील स्वत:चा अनुभव कथन करतांना त्यांनी श्रीरामजन्मभूमी तीर्थक्षेत्र न्यासाचे पदाधिकारी विशेषतः सरचिटणीस श्री. चंपत राय यांचे समर्थन केले. ‘चंपत राय हे सत्यनिष्ठता आणि प्रामाणिकपणा यांचे प्रतीक आहेत’, असे श्री. योगिराज म्हणाले. ‘या प्रकरणी अन्वेषणानंतर सत्य समोर येईल’, असेही ते म्हणाले.