छत्रपती शिवाजी महाराज आणि छत्रपती संभाजी महाराज यांचा आदर्श आपल्‍यासमोर हवा ! – संदीप पारळे, श्री शिवप्रतिष्‍ठान हिंदुस्‍थान

आजरा (जिल्‍हा कोल्‍हापूर) – देव, देश, धर्म यांसाठी कार्य करणारी तरुण पिढी आपल्‍याला अपेक्षित आहे आणि ही धारणा आपल्‍या रक्‍तात भिनली पाहिजे. छत्रपती शिवाजी महाराज यांनी जगावे कसे ? तर छत्रपती संभाजी महाराज यांनी धर्मासाठी प्राणत्‍याग कसा करावा ? हे आपण सर्वांना दाखवून दिले आहे. हाच आदर्श आजच्‍या युवा पिढीने लक्षात ठेवला पाहिजे. त्‍यांच्‍याप्रमाणे मार्गक्रमण केल्‍यास हिंदु धर्म टिकेल, असे मार्गदर्शन श्री शिवप्रतिष्‍ठान हिंदुस्‍थानचे धारकरी श्री. संदीप पारळे यांनी केले.

आजरा तालुक्‍यातील मडिलगे गावामध्‍ये दीपावलीच्‍या निमित्ताने गड स्‍पर्धा भरवल्‍या होत्‍या. श्री शिवप्रतिष्‍ठान हिंदुस्‍थानच्‍या वतीने गाव पातळीवर त्‍या ठिकाणी पारितोषिक वितरण करण्‍यात आले. त्‍या प्रसंगी मुलांना मार्गदर्शन करतांना ते बोलत होते.