आश्‍विन शुक्‍ल द्वादशी (२६.१०.२०२३) या दिवशी ६८ टक्के आध्यात्मिक पातळी असलेल्‍या सौ. प्रियांका चेतन राजहंस यांचा ३७ वा वाढदिवस झाला. त्‍यानिमित्त त्‍यांचे वडील आधुनिक पशूवैद्य अजय जोशी यांना सौ. प्रियांका यांच्‍याविषयी जाणवलेली गुणवैशिष्‍ट्ये खाली दिली आहेत.
१. प्रेमभाव
१ अ. प्रीतीमुळेच साधक आकर्षित होणे : ‘सौ. प्रियांका रामनाथी (गोवा) येथील सनातनच्‍या आश्रमात सेवा करते. सेवा करतांना तिचा अनेक साधकांशी संपर्क येतो. पुष्‍कळ वेळा काही साधक सांगतात, ‘‘तिचे बोलणे लाघवी वाटते.’’ तिची प्रकृती बरी नसल्‍यावर साधक तिची आपुलकीने विचारपूस करतात. तिच्‍या प्रीतीमुळेच साधक तिच्‍याकडे आकर्षित होतात.
१ आ. कुटुंबियांची प्रेमाने आणि आध्यात्मिक दृष्‍टीकोन देऊन विचारपूस करणे : ती आमची प्रेमाने चौकशी करते. ती आम्‍हाला आवश्‍यक तेव्‍हा आध्यात्मिक दृष्‍टीकोन देते. यातून आम्‍हाला नेहमी लाभ होतो. ती आई-वडिलांच्‍या मायेत अडकत नाही. तिच्‍यामुळे आम्‍हाला साधनेत साहाय्‍य होत आहे.
१ इ. आध्यात्मिक त्रास असलेल्‍या साधकांना नामजपादी उपाय सांगून प्रेमाने साहाय्‍य करणे : सौ. प्रियांका आध्यात्मिक त्रास असलेल्‍या साधकांना नामजपादी उपाय कळवायची सेवा करते. त्‍या वेळी ती तत्‍परतेने सद़्‍गुरु डॉ. मुकुल गाडगीळ यांना विचारून घेते आणि त्‍वरित साधकांना नामजप कळवते. नंतर ती त्‍या साधकांचा वेळोवेळी आढावा घेऊन तो सद़्‍गुरु गाडगीळकाकांना देते आणि नामजपात केलेले पालटही साधकांना त्‍वरित कळवते. ती साधकांची प्रेमाने विचारपूस करते.
२. तत्त्वनिष्‍ठता
प्रियांका एखाद्याला सेवा देतांना किंवा एखादे सूत्र सांगतांना व्‍यवस्‍थित समजावून सांगते, तसेच ती साधकांकडून सेवा योग्‍य प्रकारे झाली किंवा नाही ? हे कटाक्षाने पहाते. त्‍यात काही उणीव असल्‍यास ती तत्त्वनिष्‍ठ राहून सांगते. एकदा एका साधिकेला आध्यात्मिक त्रास असतांना काही सूत्रे सांगणे आवश्‍यक होते. तेव्‍हा तिने त्‍या साधिकेला तत्त्वनिष्‍ठपणे आणि कसलाही संकोच न ठेवता सर्व सूत्रे सांगितली. त्‍या वेळी त्‍या साधिकेला आवडले नाही; पण नंतर त्‍या साधिकेला स्‍वतःची चूक लक्षात आली आणि तिला प्रियांकाविषयी कृतज्ञता वाटली.
३. प्रसंगांचा सखोल अभ्‍यास करून सोप्‍या भाषेत साधकांना दृष्‍टीकोन देणे
ती साधकांशी सोप्‍या शब्‍दांत आणि स्‍पष्‍टपणे बोलते. एखाद्याला दृष्‍टीकोन देतांना ती सखोल अभ्‍यास करून देते. त्‍या वेळी तिने व्‍यापक विचार केलेला असतो.
४. सेवाभाव
गुरूंच्‍या कार्यात कुठेही चूक होणार नाही, याची ती काळजी घेते. सेवा करतांना ती सेवेत हरवून जाते. तिला शारीरिक त्रास होत असला, तरी ती सेवेमध्‍ये नेहमी आनंदी असते.
५. श्रीसत्‌शक्‍ति (सौ.) बिंदा नीलेश सिंगबाळ यांनी सांगितलेल्‍या चुका स्‍वीकारून त्‍या चुका पुन्‍हा न होेण्‍यासाठी प्रयत्न करणे
श्रीसत्‌शक्‍ति (सौ.) बिंदा नीलेश सिंगबाळ प्रियांकाला तिच्‍या साधनेतील चुकांची जाणीव करून देतात. प्रियांका आम्‍हाला त्‍या चुका आणि त्‍यांवरील दृष्‍टीकोन सहजतेने सांगते. त्‍या वेळी ती ‘प्रतिमा जपणे, स्‍वतःचे अस्‍तित्‍व सांभाळणे किंवा चूक टाळून उल्लेख करणे’, असे करत नाही. तिला चुकांची जाणीव करून देण्‍यात येते. तेव्‍हा ती जाणीव तिच्‍या अंतर्मनाला होते. पुढे ती तशा चुका टाळण्‍याचा प्रयत्न करते. ती चुका आनंदाने स्‍वीकारते. तेव्‍हा तिचा श्रीसत्‌शक्‍ति (सौ.) सिंगबाळ यांच्‍याविषयी आदर वाढत असतो.
६. प्रियांकाला गुरूंनी त्‍यांच्‍या जवळ ठेवले आहे, यासाठी तिला कृतज्ञता वाटते.’
– आधुनिक पशूवैद्य अजय गणपतराव जोशी (आध्यात्मिक पातळी ६८ टक्के, वय ६७ वर्षे) (सौ. प्रियांका यांचे वडील), फोंडा, गोवा. (१५.१०.२०२३)
|
साधिकेच्या मनाची स्थिती नकारात्मक झाली असतांना वेळोवेळी तिला पू. (सौ.) अश्विनी पवार यांचे साहाय्‍य मिळणे
भगवान नृसिंहाप्रती अपार भाव असणारे मंगळुरू (कर्नाटक) येथील ६२ टक्के आध्यात्मिक पातळीचे श्री. विठ्ठल किणी (वय ७९ वर्षे) !
साधक मुले आणि समाजातील मुले यांच्यात साधिकेला जाणवलेला भेद 
सच्चिदानंद परब्रह्म डॉ. जयंत आठवले साधिका आणि तिचे यजमान यांची काळजी तिची सून अन् अन्य साधक यांच्या माध्यमातून घेत असणे आणि साधिकेला तिच्‍या नातेवाइकांबद्दल वाटत असलेली काळजी सच्चिदानंद गुरुदेवांच्या कृपेने दूर होणे 
‘स्वयंसूचना’ हे मनाच्या आजारावरील औषध असल्याच्या संदर्भात साधिकेला जाणवलेली सूत्रे !