मराठा आरक्षणासाठी हिंदु महासभेच्‍या राजेंद्र तोरस्‍कर यांचे बेमुदत उपोषण !

कोल्‍हापूर – अखिल भारत हिंदु महासभेचे जिल्‍हा उपाध्‍यक्ष श्री. राजेंद्र तोरस्‍कर यांनी मराठा आरक्षणाच्‍या मागणीसाठी दसरा चौकात १ ऑक्‍टोबरपासून बेमुदत उपोषणास प्रारंभ केला आहे. आंदोलनस्‍थळी २ ऑक्‍टोबरला जिल्‍हाध्‍यक्ष श्री. मनोहर सोरप म्‍हणाले, ‘‘मराठा आरक्षणाची मागणी जुनी असून मराठा समाजाला सर्वांगीण विकासासाठी आरक्षणाची आवश्‍यकता आहे. मराठा आरक्षणाच्‍या मागणीचा पाठपुरावा करण्‍यासाठी श्री. राजेंद्र तोरस्‍कर यांनी बेमुदत उपोषणास प्रारंभ केला आहे. सकल हिंदु समाजाने या उपोषण आंदोलनाला पाठबळ दिले आहे.’’

श्री. राजेंद्र  तोरस्‍कर म्‍हणाले, ‘‘मराठा समाजाची न्‍याय्‍य मागणी पूर्ण होईपर्यंत मी उपोषण चालू ठेवणार आहे.’’ या प्रसंगी विविध कार्यकर्ते उपस्‍थित होते.