पुणे – महाराष्‍ट्र राज्‍य रस्‍ते विकास महामंडळाने पुणे शहराबाहेरून ‘रिंग रोड’चा (शहराजवळ येणारी आणि पुढे जाणारी वाहतूक शहरामध्‍ये न येता बाहेरच्‍या बाहेरून जावी, यासाठी सिद्ध केलेला रस्‍ता !) प्रकल्‍प हाती घेतला आहे. या ‘रिंग रोड’च्‍या पश्‍चिम भागातील मार्गिकेसाठी भूसंपादन करण्‍यासाठी ज्‍या भूमींच्‍या मालकांनी समयमर्यादेत संमतीपत्रे दिली नाहीत, अशा मावळ, मुळशी आणि हवेली तालुक्‍यातील १३ गावांमधील भूमींचे बळजोरीने (सक्‍ती) भूसंपादन करण्‍याचा निर्णय जिल्‍हा प्रशासनाने घेतला आहे. जिल्‍हाधिकारी डॉ. राजेश देशमुख यांच्‍या अध्‍यक्षतेखाली बैठकीमध्‍ये हा निर्णय घेण्‍यात आला. पुणे आणि पिंपरी-चिंचवड शहरातील वाहतूककोंडी अल्‍प करण्‍यासाठी १७२ कि.मी. लांबीच्‍या आणि ११० मीटर रुंदीच्‍या ‘रिंग रोड’चे काम महामंडळाकडून करण्‍यात येत आहे. पूर्व आणि पश्‍चिम अशा २ टप्‍प्‍यांत रस्‍त्‍याचे काम करण्‍यात येणार आहे.
पश्‍चिम भागातील भूसंपादन बाधितांना नोटीस पाठवून ३० जुलैपर्यंत संमतीसाठी समयमर्यादा देण्‍यात आली होती. ज्‍यांनी समयमर्यादेत संमतीपत्रे दिली आहेत, त्‍यांना २५ टक्‍के अधिक परतावा (मोबदला) देण्‍याचा निर्णय घेण्‍यात आला आहे.
श्रीक्षेत्र आळंदी येथे महाराष्ट्रातील गोरक्षक आणि गोशाळाचालक यांच्‍या वतीने ‘देशी गोवंश बचाव जनआंदोलन’ !
दुसर्याला दूषण देणे आणि ते शोधून बोलून दाखवणे हेच दुष्टपणाचे लक्षण !
दिवसभरातील घडामोडींवर एक दृष्टीक्षेप : दोंडाईचा (धुळे) येथे धर्मांधांकडून छत्रपतींच्या पुतळ्याची विटंबना; नंदुरबार येथे ईदच्या मिरवणुकीत धर्मांधांची दंगल !
बारव्हा (जिल्‍हा भंडारा) येथे विसर्जन मिरवणूक पहातांना छत कोसळल्याने ४० महिला घायाळ !
अपेक्षित सुरक्षेच्या अभावी गोवा शासनाच्या ७० टक्‍के संकेतस्थळांना सायबर आक्रमणाचा धोका
आळंदी (पुणे) येथे ७ सहस्र श्री गणेशमूर्तींचे संकलन