सिंधुदुर्ग : मठ येथील श्री स्वयंभू मंदिरातील दानपेटी फोडून चोरी

वेंगुर्ला – तालुक्यातील गावठाणवाडी, मठ येथील श्री स्वयंभू मंदिरातील दानपेटी फोडून अज्ञात चोराने त्यातील रक्कम चोरल्याची तक्रार मंदिराचे पुजारी दत्ताजी रामचंद्र गुरव यांनी वेंगुर्ला पोलीस ठाण्यात दिली आहे. १३ जुलै रात्री ते १४ जुलै या दिवशी सकाळी ७ वाजेपर्यंतच्या कालवधीत ही घटना घडली आहे. पुजारी गुरव हे १४ जुलै या दिवशी सकाळी मंदिरात पूजेसाठी गेले असता त्यांना मंदिराच्या मुख्य गाभार्‍याच्या दरवाजाची कडी तोडून आत प्रवेश करून दानपेटी फोडण्यात आल्याचे लक्षात आले. गुरव यांनी देवस्थानचे अध्यक्ष मनोहर गावडे, मानकरी प्रकाश हरि ठाकूर, रामचंद्र सावळाराम गावडे यांना बोलावून त्यांच्या ही गोष्ट लक्षात आणून दिली.