तत्कालीन शिक्षणाधिकार्‍याने २५९ खोटे आदेश काढून केला कोट्यवधी रुपयांचा भ्रष्टाचार

नाशिक – जिल्हा परिषदेच्या शिक्षण विभागातील १६० कोटी रुपयांच्या ‘शालार्थ आयडी’ घोटाळा विशेष अन्वेषण पथकाने (‘एस्.आय.टी.’ने) उघड केला आहे. तत्कालीन शिक्षणाधिकारी शशिकांत हिंगोणेकर याने अधिकाराचा अपवापर करत २५९ शिक्षक आणि शिक्षकेतर कर्मचारी यांना कोणत्याही कोणतीही सरकारी प्रक्रिया न राबवता बनावट कागदपत्रांच्या आधारे त्यांच्या नोकर्‍यांना संमती दिली, हे उघड झाले आहे. घोटाळ्यातील एकूण ८४१ बनावट आदेशांपैकी सर्वाधिक आदेश हिंगोणेकर याच्या कार्यकाळात देण्यात आले असून या प्रकरणी आता ‘संघटित गुन्हेगारी’चे (मकोकासदृश) कलम वाढवण्यात आले आहे.

१. २८ ऑगस्ट २०११ ते जून २०२५ या कालावधीत जळगाव जिल्ह्यातील विविध शाळांमधील २५९ शिक्षक आणि कर्मचारी यांचे काढलेले शालार्थ आदेश बनावट असल्याचे सिद्ध झाले.

२. बनावट शालार्थ आयडी बनवून संबंधित कर्मचार्‍यांचे नियमित वेतन आणि थकबाकीची मोठी रक्कम हडप करण्यात आली.

३. जळगावमधील ३६८ कर्मचार्‍यांपैकी ११६ जणांची कागदपत्रे शालार्थ प्रणालीवर अपलोडच केली गेली नव्हती.

४. या भ्रष्टाचारात केवळ शिक्षणाधिकारीच नव्हे, तर शिक्षण उपसंचालक कार्यालयातील अधिकारी-कर्मचारी, शिक्षण संस्थाचालक, मुख्याध्यापक, दलाल आणि मोठे राजकीय नेते यांचाही सहभाग असल्याचे अन्वेषणात उघड झाले आहे.