Budaun Love Jihad : अपहरण, बलात्कार आणि धर्मांतराचा प्रयत्न या प्रकरणी शाकीर हुसेन याला १० वर्षांचा सश्रम कारावास

बदायू (उत्तरप्रदेश) – येथे मुलावर उपचार करण्याचा दावा करून एका कुटुंबाचा विश्वास जिंकणार्‍या मौलाना (इस्लामचा अभ्यासक) शाकीर हुसेन याला न्यायालयाने एक महिला आणि तिची अल्पवयीन मुलगी यांचे अपहरण करून ३ महिने ओलीस ठेवणे, महिलेवर वारंवार बलात्कार करणे आणि दोघांवर बलपूर्वक धर्मपरिवर्तनाचा दबाव आणणे या प्रकरणी दोषी ठरवले आहे. विशेष जलद गती न्यायालयाने (महिलांविरोधात गुन्हे) हुसेन याला विविध कलमांखाली १० वर्षांची शिक्षा सुनावली आहे. हुसेन याला धर्मपरिवर्तन कायद्यांतर्गत ५ वर्षांचा सश्रम कारावास आणि ५० सहस्र रुपये दंड, तर अपहरण, ओलीस ठेवणे, बलात्कार आणि इतर गुन्ह्यांमध्येही त्याला १० वर्षांचा सश्रम कारावास आणि ५० सहस्र रुपये दंड, अशी शिक्षा सुनावण्यात आली. न्यायालयाने निर्देश दिले की, सर्व शिक्षा एकाच वेळी भोगाव्या लागतील. दंड न भरल्यास अतिरिक्त कारावास भोगावा लागेल.