सनातन प्रभात > Post Type > बातम्या > राष्ट्रीय बातम्या > शाळेत टिकली लावून गेल्याने शिक्षिकेकडून मारहाण आणि आईला अपमानित केल्याने हिंदु विद्यार्थिनीची आत्महत्या !

शाळेत टिकली लावून गेल्याने शिक्षिकेकडून मारहाण आणि आईला अपमानित केल्याने हिंदु विद्यार्थिनीची आत्महत्या !

  • धनबाद (झारखंड) येथील सेंट झेवियर्स शाळेतील घटना !

  • शिक्षिका आणि मुख्याध्यापक यांना अटक

  • शिक्षिकेकडून झाली होती मारहाण आणि आईला केले होते अपमानित !

धनबाद (झारखंड) – येथील तेतुलमारी भागातील सेंट झेवियर्स शाळेमध्ये टिकली लावून येणार्‍या हिंदु विद्यार्थिनीला शिक्षिकेने भर वर्गात मारहाण केली. याविषयी विचारणा करण्यास आलेल्या विद्यार्थिनीच्या आईला मुख्याध्यापकांनी अपकीर्त करून शाळेतून हाकलून लावले. यामुळे अपमानित झालेल्या विद्यार्थिनीने घरी येऊन गळफास घेऊन आत्महत्या केली. ही घटना १० जुलै या दिवशी घडली. आत्महत्येपूर्वी या विद्यार्थिनीने एक चिठ्ठी लिहिली होती. या घटनेनंतर गावकर्‍यांनी शाळेच्या बाहेर निदर्शने केली. पोलिसांनी या प्रकरणी गुन्हा नोंद करून शाळेचे मुख्याध्यापक आणि संबंधित शिक्षिका यांना अटक केली आहे. या प्रकरणाची नोंद राष्ट्रीय बाल अधिकार संरक्षण आयोगानेही घेतली आहे.

झारखंडचे भाजपचे प्रदेशाध्यक्ष बाबूलाल मरांडी यांनी ट्वीट करून शाळेची मान्यता रहित करण्याची मुख्यमंत्र्यांकडे मागणी केली आहे. मरांडी यांनी म्हटले की, अशा शाळांना सनातनच्या प्रतीकांविषयी इतका द्वेष का आहे, हे कळत नाही.

संपादकीय भूमिका

  • बहुसंख्य हिंदूंच्या देशात हिंदु विद्यार्थिनींना टिकली लावण्याचा अशा शाळांमधून सातत्याने होणारा विरोध हिंदूंना लज्जास्पद !
  • हिंदू त्यांच्या मुलांना अशा मानसिकतेच्या शाळेत शिकण्यास पाठवून स्वतःची संस्कृती आणि धर्माचरण यांपासून दूर जात आहेत अन् हेच त्यांच्या अधोगतीचे एक कारण ठरत आहे. हे हिंदूंना लक्षात येण्याची शक्यता नसल्याने ही स्थिती पालटण्यासाठी हिंदु राष्ट्रच हवे !

नूतन लेख