वैश्‍विक हिंदु राष्‍ट्र महोत्‍सवात मंदिर विश्‍वस्‍तांचा निर्धार !
विद्याधिराज सभागृह (रामनाथी, गोवा) – मंदिर संस्‍कृतीचे रक्षण करण्‍यासाठी ४ मासांत महाराष्‍ट्रातील १३१ मंदिरांमध्‍ये वस्‍त्रसंहिता लागू करण्‍यात आली आहे. वस्‍त्रसंहिता (पोषाखा संबंधीची नियमावली) लागू करण्‍यासह यापुढे मंदिर परिसर स्‍वच्‍छ आणि सात्त्विक रहावा, यासाठी तो ‘मद्य-मांस मुक्‍त’ करण्‍यासाठी लढा दिला जाईल, असा निर्धार महाराष्‍ट्र मंदिर महासंघाच्‍या ‘कोअर समिती’च्‍या बैठकीत घेण्‍यात आला, अशी माहिती महाराष्‍ट्र मंदिर महासंघाचे समन्‍वयक श्री. सुनील घनवट यांनी दिली. वैश्‍विक हिंदु राष्‍ट्र महोत्‍सवात ‘मंदिरांचे सुव्‍यवस्‍थापन’, ‘मंदिर संरक्षण’ आणि ‘मंदिर सरकारीकरण यांतून मुक्‍ती’ आदी विविध विषयांवर चर्चा करण्‍यात आली.
या वेळी सुनील घनवट म्‍हणाले, ‘‘विविध चित्रपटांचे चित्रीकरण देशभरातील पौराणिक, ऐतिहासिक मंदिरांच्‍या परिसरात होते. या चित्रीकरणाच्‍या कालावधीत मंदिरांचे पावित्र्य मंदिरांतील वस्‍त्रसंहिता, तसेच मंदिर परिसरातील नियम यांचे पालन होत नाही. या नियमांचे पालन होण्‍यासाठी विविध मंदिरांना निवेदन देऊन त्‍यासाठी प्रयत्न केले जाणार आहेत. याचसमवेत जिल्‍हा पातळीपासून ते गावपातळीपर्यंत ‘पुजारी संपर्क अभियान’ राबवले जाणार आहे.’’
या बैठकीसाठी गोवा येथील गोमंतक मंदिर महासंघाचे सचिव श्री. जयेश थळी, महाराष्‍ट्रातील जोतिर्लिंग श्री भीमाशंकर देवस्‍थानचे अध्‍यक्ष अधिवक्‍ता सुरेश कौदरे, विदर्भ देवस्‍थान समितीचे सचिव श्री. अनुप जयस्‍वाल, महाराष्‍ट्र अन् गोवा बार कौन्‍सिलचे माजी अध्‍यक्ष अधिवक्‍ता भरत देशमुख, मंगळग्रह सेवा संस्‍थानचे श्री. शरद कुलकर्णी, नगर येथील श्री भवानीमाता मंदिराचे अधिवक्‍ता अभिषेक भगत, नागपूर येथील श्री बृहस्‍पती मंदिराचे विश्‍वस्‍त श्री. रामनारायण मिश्र आणि संकटमोचन पंचमुखी हनुमान मंदिराचे श्री. दिलीप कुकडे यांसह ४० मान्‍यवर उपस्‍थित होते.
सामाजिक कार्यकर्त्या अंजली दमानिया नवीन राजकीय पक्ष काढणार !
२६ नोव्हेंबरला आळंदी येथे १८ वे वारकरी अधिवेशन !
विधानसभा निवडणूक निकालाला माजी सरन्यायाधीश डी. वाय. धनंजय चंद्रचूड उत्तरदायी !
सत्ता स्थापनेनंतर मशिदीवरील अनधिकृत भोंगे, मदरसे सहन करणार नाही ! – आमदार नितेश राणे, भाजप
प.पू. भक्तराज महाराज यांच्या महानिर्वाणदिनाच्या निमित्ताने कांदळी (जिल्‍हा पुणे) येथील आश्रमातील समाधीस अभिषेक !
घाटकोपर येथे अल्पवयीन मुलाकडून अंकुश भालेराव यांची हत्या !