नथुराम गोडसे देशभक्त होता ! – उत्तराखंडचे माजी मुख्यमंत्री त्रिवेंद्रसिंह रावत

नथुराम गोडसे व उत्तराखंडचे माजी मुख्यमंत्री त्रिवेंद्रसिंह रावत

देहराडून (उत्तराखंड) – गांधीजींची हत्या हे वेगळे सूत्र आहे. मी गोडसे याला जेवढे ओळखले आणि वाचले आहे, तोसुद्धा देशभक्त होता. गांधीजींची हत्या आम्हाला मान्य नाही, असे विधान उत्तराखंडचे माजी मुख्यमंत्री आणि भाजपचे नेते त्रिवेंद्रसिंह रावत यांनी केले आहे.

१. रावत यांनी काँग्रेस नेते राहुल गांधी यांच्यावरही टीका केली. रावत म्हणाले की, राहुल गांधी यांची विचारसरणी केवळ गांधी आडनावाने गांधीवादी होत नाही. ते केवळ बोलतात. त्यांच्या प्रयत्नांचा पक्षाला कोणताच लाभ होणार नाही आणि लवकरच काँग्रेस भूतकाळातील गोष्ट होईल.

२. राहुल गांधी यांनी अमेरिकेतून भारतातील स्थिती पाहून टीका केल्यावरून रावत म्हणाले, राहुल गांधी त्यांच्या पक्षाची वाईट अवस्था पाहून हताश होऊन बोलत आहेत. ते मानसिक तणावाखाली बोलत आहेत. मानसिक तणावातून जात असलेल्या व्यक्तीला जनता स्वीकारणार नाही.