‘इंडियाज प्राईड अवॉर्ड २०२६’साठी भिवंडी येथील संपादक डॉ. किशोर पाटील यांची निवड

ठाणे – पत्रकारिता, सामाजिक आणि शैक्षणिक क्षेत्रातील उल्लेखनीय योगदानाची नोंद घेत दैनिक स्वराज्य तोरणचे संपादक डॉ. किशोर पाटील यांची प्रतिष्ठेच्या ‘इंडियाज प्राईड अवॉर्ड २०२६’ साठी निवड करण्यात आली आहे. भारतीय सिनेयुग प्रॉडक्शन अँड अकॅडमी, मुंबई यांच्या वतीने आयोजित करण्यात येणार्‍या या पुरस्कार सोहळ्याचे हे तिसरे पर्व आहे.

भारतीय चित्रपट, कला, साहित्य, पत्रकारिता, सामाजिक, शैक्षणिक आणि सांस्कृतिक क्षेत्रात उल्लेखनीय कार्य करणार्‍या व्यक्तींचा या पुरस्काराद्वारे गौरव केला जातो. हा पुरस्कार वितरण सोहळा २६ जून २०२६ ला सायंकाळी ५.३० वाजता अंधेरी (पश्चिम) येथील मेयर्स ऑडिटोरियममध्ये होणार आहे.