बेंगळुरू (कर्नाटक) येथे पोलीस निरीक्षकाने गुंडांसमवेत मिळून तरुणांकडून लुटले २० लाख रुपये !

बेंगळुरू (कर्नाटक) – येथे गुन्हे अन्वेषण विभागाच्या अधिकृत जीपमधून येऊन, तसेच पोलीस ओळखपत्र दाखवून केरळम् मधील तरुणांकडून २० लाख रुपये लुटल्याचा प्रकार घडला. या कृत्यामध्ये या विभागाच्या एका पोलीस निरीक्षकाचा सहभाग असल्याचे समोर आले आहे. त्याच्या विरोधात गुन्हा नोंदवण्यात आल्यानंतर तो पसार झाला आहे.

In Bengaluru, a CID Police Inspector and his gang of goons have been accused of robbing youth of ₹20 lakhs

The pattern of lawlessness is alarming:
🔹 Dec 2025: Head Constable stole ₹11 Lakh from a suspect in Police HQ.

🔹 Nov 2025: Constable arrested in a sensational ₹7.11… https://t.co/Kd8CP2g0s3 pic.twitter.com/bYIdeijVpv

— Sanatan Prabhat (@SanatanPrabhat) June 19, 2026

लुटमारीची घटना बेंगळुरूतील मडिवाळा येथील एका खासगी हॉटेलजवळ घडली. केरळमचे तरुण ‘मनी ट्रेडिंग’ व्यवसायासाठी मोठ्या प्रमाणात रोख रक्कम घेऊन आले होते. ही माहिती समजताच सीआयडीच्या अधिकृत जीपमधून आलेल्या खासगी व्यक्ती आणि पोलीस निरीक्षक यांनी या तरुणांना अडवले. त्यांनी तरुणांना ‘तुम्ही अवैध ‘मनी ट्रेडिंग’साठी पैसे आणले आहेत का ?, असे दरडावत पोलीस ओळखपत्र दाखवले. जीप आणि ओळखपत्र पाहून हे खरे पोलीस आहेत, असे समजून केरळमचे तरुण घाबरले आणि त्यांनी त्यांच्याकडील २० लाख रुपये त्यांच्या स्वाधीन केले.