२० कोटी किमतीचे १ सहस्र ९७० ग्रॅम कोकेन जप्त !

मुंबई – महसूल गुप्तचर संचालनालयाच्या अधिकार्‍यांनी ५ एप्रिल या दिवशी मुंबई विमानतळावर अमली पदार्थांची तस्करी करणार्‍या आंतरराष्ट्रीय टोळीचा अपप्रकार उघड केला आहे. या प्रकरणी पोलिसांनी एका आफ्रिकी व्यक्तीसह एकूण तिघांना अटक केली आहे. पोलिसांनी २० कोटी किमतीचे १ सहस्र ९७० ग्रॅम कोकेन जप्त केले आहे. आदिस अबाबाहून मुंबईत परतलेल्या ३५ वर्षीय आरोपीकडे हे कोकेन आढळले. तो त्याच्या साथीदारांना कोकेन देणार होता. पोलिसांनी सापळा रचून तिघांना अटक केली आहे.