मध्‍यप्रदेशात फैजल याने हिंदु असल्‍याचे भासवून हिंदु दलित मुलीवर ३ वर्षे केला बलात्‍कार !

भोपाळ – फैजल सय्‍यद अब्‍बास याने ‘शान पंडित’ असे हिंदु नाव धारण करून एका अल्‍पवयीन हिंदु दलित मुलीवर ३ वर्षे बलात्‍कार केला. या प्रकरणी फैजल यास अटक करण्‍यात आली आहे. पोलिसांनी पीडितेचा गर्भपात करणार्‍या डॉक्‍टरलाही अटक केली आहे. ‘फैजलने बनावट आधारकार्ड बनवून मला फसवले’, असा आरोप पीडित मुलीने केला आहे.

प्रसारमाध्‍यमांनी दिलेल्‍या वृत्तानुसार १३ डिसेंबर २०२२ या दिवशी पीडित मुलीने आरोपी फैजल सय्‍यद अब्‍बासच्‍या विरोधात पोलीस ठाण्‍यात तक्रार प्रविष्‍ट केली होती. या तक्रारीत तिने, ‘फैजलने त्‍याचे शान पंडित असे खोटे नाव सांगून माझ्‍याशी मैत्री केली. त्‍याच्‍याकडे शान पंडितच्‍या नावाने आधारकार्डही होते. (असे बनावट आधारकार्ड बनवून देणार्‍या संबंधितांना शिक्षा करा ! – संपादक) त्‍यामुळे मी त्‍याच्‍यावर विश्‍वास ठेवला. त्‍याने मला वाढदिवसाच्‍या बहाण्‍याने हॉटेलमध्‍ये बोलावले आणि तेथे माझ्‍यावर बलात्‍कार केला. बलात्‍कारानंतर तो हिंदु नसल्‍याचे वास्‍तव माझ्‍यासमोर आले. ‘मी तुझा व्‍हिडिओ बनवला आहे’ असे सांगून तो मला धमकावू लागला. अपकीर्तीच्‍या भीतीने ३ वर्षे मी त्‍याचे लैंगिक अत्‍याचार सहन केले. या कालावधीत मी दोनदा गर्भपात केला’, असे म्‍हटले आहे. या प्रकरणी भोपाळ पोलीस पुढील अन्‍वेषण करत आहेत.