कराड, १५ डिसेंबर (वार्ता.) – वारकरी संप्रदायाची परंपरा जोपासणारे शामगाव, तालुका कराड येथील प्रसिद्ध कीर्तनकार गुरुवर्य ह.भ.प. नामदेव आप्पा शामगावकर यांचे मंगळवार, १३ डिसेंबर या दिवशी वैकुंठगमन झाले. अभंगाचे निरुपण असो अथवा पारायणातील कीर्तन-प्रवचन आपल्या रांगड्या भाषेत गेल्या ६५ वर्षांपासून महाराष्ट्रातील खेडोपाड्यांसह परराज्यातही कीर्तनाच्या माध्यमातून वारकरी संप्रदायाचे विचार पोहोचवण्यामध्ये महाराजांचे मोठे योगदान आहे. एका गावात पारायणाच्या ठिकाणी मेणबत्तीने आरती करणार्‍यांना हे भारतीय संस्कृतीत बसत नाही, असे खडसावून हिंदु संस्कृतीचे आचरण करण्यास सांगणारे संत होते.
(सौजन्य : Suresh Maharaj Sul)
महाराजांच्या वैकुंठगमन सोहळ्यानिमित्त शामगाव, तालुका कराड येथे १३ ते २६ डिसेंबर या कालावधीत ‘अखंड हरिनाम सप्ताह आणि ज्ञानेश्वरी पारायण सोहळ्याचे’ आयोजन करण्यात आले आहे. २६ डिसेंबर या दिवशी सकाळी ९ ते ११ या कालावधीत गुरुवर्य ह.भ.प. बंडातात्या कराडकर यांचे काल्याचे किर्तन होणार असून या ठिकाणी महाप्रसादाचे आयोजनही करण्यात आले आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !