सालेम (तमिळनाडू) शहरातील श्री वेणुगोपाल कृष्णस्वामी मंदिराच्या जागेवरील अतिक्रमण हटवा ! – मद्रास उच्च न्यायालय

चेन्नई (तमिळनाडू) – सालेम येथील श्री वेणुगोपाल कृष्णस्वामी मंदिराच्या भूमीवर झालेले अतिक्रमण हटवण्याचा आदेश मद्रास उच्च न्यायालयाने तहसीलदारांना दिला. सालेममधील कन्ननकुरिची येथील ए राधाकृष्णन् यांनी मंदिराच्या मालमत्तेवरील अतिक्रमणाच्या विरोधात याचिका प्रविष्ट केली होती.

या याचिकेवरील सुनावणीच्या वेळी न्यायालयाने हा आदेश दिला. यासह तहसीलदारांना संबंधित भूमीचे सर्वेक्षण करून त्याचा अहवाल २ मासांत सादर करण्याचाही आदेश देण्यात आला.