गाडीच्या क्रमांकाच्या पाटीसंदर्भात अनेक वर्षांनी जागे झालेले पोलीस !

‘बरेच वाहनचालक त्यांची दुचाकी, चारचाकी आदी वाहनांना लिंबू-मिरची, काळा दोरा वगैरे बांधतात. काही जण गाडीच्या क्रमांकाच्या पाटीवरच ते बांधतात. असे करणार्‍या काही जणांचा ‘क्रमांकाची पाटी दिसू नये’, असा उद्देश असतो. त्यामुळे आता नव्या वाहतूक नियमांनुसार असा प्रकार कुणी करत असेल किंवा दुसर्‍या कोणत्याही मार्गाने क्रमांकाची पाटी झाकण्याचा प्रयत्न होत असेल, तर वाहनचालकाला ५ सहस्र रुपयांचा दंड आकारण्यात येणार आहे. असा नियम अद्याप महाराष्ट्रात लागू झालेला नसला, तरी देहलीमध्ये वाहतूक पोलिसांनी तो लागू केला आहे.’