वाराणसी येथे हिंदु नववर्षानिमित्त हिंदु युवा वाहिनीकडून भव्य शोभायात्रेचे आयोजन

हिंदु जनजागृती समितीचाही सहभाग

वाराणसी (उत्तरप्रदेश), २ एप्रिल (वार्ता) – हिंदु नववर्षानिमित्त २ एप्रिल या दिवशी येथे ‘हिंदु युवा वाहिनी’च्या वतीने भव्य शोभायात्रा काढण्यात आली. या वेळी हिंदु जनजागृती समितीचे उत्तरप्रदेश आणि बिहार राज्य समन्वयक श्री. विश्‍वनाथ कुलकर्णी, गुरु गोरक्षनाथ मंदिराचे महंत योगी रामनाथजी, हिंदु युवा वाहिनीचे प्रदेश उपाध्यक्ष मनीष पाण्डेय आणि वाराणसीचे प्रभारी अंबरीश सिंह (भोला) यांच्या हस्ते धर्मध्वजाचे पूजन करण्यत आले.

या शोभायात्रेमध्ये मोठ्या संख्येने धर्माभिमानी हिंदू सहभागी झाले होते. शोभायात्रेच्या वेळी वातावरण भगवेमय झाले होते.