हिजाबच्या माध्यमातून शाळांचे इस्लामीकरण करण्याचे धोकादायक षड्यंत्र हाणून पाडा ! – प्रमोद मुतालिक, संस्थापक अध्यक्ष, श्रीराम सेना, कर्नाटक

सध्या चर्चेत असलेल्या ‘हिजाब’ प्रकरणामागे आतंकवादाची पार्श्वभूमी असलेल्या विविध देशद्रोही धर्मांध संघटना, पक्ष आणि साम्यवादी आहेत. ‘पहले हिजाब-फिर किताब’, अशी भित्तीपत्रके महाराष्ट्रात धर्मांध पक्ष आणि संघटना यांनी लावली आहेत. यातून त्यांना ‘पहिले इस्लाम, मग शिक्षण हवे आहे’, हे स्पष्ट होत आहे. ‘हिजाब’चे निमित्त करून सर्वत्र ‘इस्लामीकरण’ करण्याचा प्रयत्न रोखण्यासाठी हिंदूंनी पुढे यायला हवे. आज शाळेतील मुसलमान मुलींना पुढे करून धर्मांध संघटना प्रथम मुलींना ‘हिजाब’, मग ‘बुरखा’ घालून येण्यास सांगतील. नंतर हे शाळांमध्ये नमाजपठण आणि त्यासाठी मशिदीचीही मागणी करतील. शाळांचे इस्लामीकरण करण्याचे हे धोकादायक षड्यंत्र हाणून पाडले पाहिजे आणि सर्व शाळांमध्ये गणवेशाचे सक्तीने पालन केले पाहिजे.