माझ्या शक्तीद्वारे रशिया आणि युक्रेन यांच्यात होणारे युद्ध थांबवून दाखवतो ! – जगप्रसिद्ध जादूगाराचा दावा

नवी देहली – माझ्याकडे असलेल्या शक्तींचा वापर करून मी रशिया आणि युक्रेन यांच्यामधील होणारे युद्ध थांबवतो अन् जगाला तिसर्‍या विश्‍वयुद्धापासून वाचवतो, असा दावा युरी गेलर या ७५ वर्षीय जगप्रसिद्ध जादूगाराने केला आहे; मात्र त्यासाठी ‘अमेरिकेचे राष्ट्राध्यक्ष जो बायडेन किंवा युक्रेनच्या वरिष्ठ नेतृत्वाने माझे साहाय्य मागावे’, अशी अट त्यांनी घातली आहे. ‘त्यांनी विनंती केल्यानंतर मी त्यावर नीट विचार करीन आणि मगच पुढची पावले उचलीन’, असेही त्यांनी म्हटले आहे. ‘मी याआधीही काही युद्धे रोखली आहेत, तसेच रशिया विरुद्ध ‘नाटो’ सदस्यांमधील हे युद्धही सहजपणे रोखू शकतो’, असे त्यांनी सांगितले; परंतु हे युद्ध कसे रोखणार, हे सांगण्यास मात्र त्यांनी नकार दिला. मनाच्या शक्तीच्या आधारे चमचे वाकवण्याचे खेळ दाखवून युरी यांनी जगभरात प्रसिद्धी मिळवली आहे.

Spoon-bender Uri Geller says he can use his powers to stop Putin from triggering WW3 https://t.co/pQQ8VDSsbb pic.twitter.com/Det0ULghvo

— Daily Star (@dailystar) February 10, 2022