मंदिर आणि संस्कृती रक्षणासाठी राष्ट्रव्यापी आंदोलन उभे व्हावे ! – रमेश शिंदे, राष्ट्रीय प्रवक्ते, हिंदु जनजागृती समिती

मंदिरे ही धर्माची आधारशीला आहेत. मंदिरांचा मुख्य उद्देश धर्माचा प्रसार हा आहे. चर्चमध्ये बायबल आणि मशिदीमध्ये कुराण शिकवले जात असेल, तर मंदिरांमध्ये भगवद्गीता शिकवली का जात नाही ? प्राचीन काळी राजे-महाराजे मंदिरे केवळ बांधत नसत, तर मंदिरांच्या व्यवस्थेसाठी भूमी दान आणि धन अर्पण करत असत. सध्या मात्र ‘सेक्युलर’ (निधर्मी) व्यवस्थेच्या नावाखाली मंदिरांची लूट चालू आहे. व्यवस्थापन सुधारणेच्या नावाखाली सरकारने मंदिरे कह्यात घेतली; मात्र मंदिरांचे सरकारीकरण झाल्यापासून मंदिरांची अवस्था अतिशय वाईट झाली आहे. मंदिरांतून हिंदु धर्माचा प्रचार व्हावा, यासाठी मंदिर आणि संस्कृती रक्षणासाठी संघटितपणे राष्ट्रव्यापी आंदोलन उभारण्याची आवश्यकता आहे.