पाकमधून ७ सहस्र नागरिकांचा भारताची नागरिकता मिळण्यासाठी अर्ज ! – केंद्र सरकारची माहिती

नवी देहली – वर्ष २०१६ ते २०२० या काळात ४ सहस्र १७७ विदेशी लोकांना भारताची नागरिकता देण्यात आली, तर १० सहस्र ६३५ अर्ज प्रलंबित आहेत. प्रलंबित अर्जांमध्ये सर्वाधिक ७ सहस्र ३०६ अर्ज पाकिस्तानी नागरिकांकडून करण्यात आले आहेत, तर १ सहस्र १५२ अर्ज अफगाणी नागरिकांनी केले आहेत, अशी माहिती राज्यसभेत केंद्रीय गृहराज्यमंत्री नित्यानंद राय यांनी दिली.

News updates from HT: Over 7,000 Pakistanis have applied for Indian citizenship https://t.co/HcBoaC9Juh

— Hindustan Times (@HindustanTimes) December 22, 2021

राय यांनी सांगितले की, वर्ष २०१८ ते २०२१ या काळात अफगाणिस्तान, पाकिस्तान आणि बांगलादेश येथील हिंदू, शीख, जैन अन् ख्रिस्ती अल्पसंख्यांकांनी भारताची नागरिकता मिळण्यासाठी ८ सहस्र २४४ अर्ज केले होते. त्यातील ३ सहस्र ११७ जणांना नागरिकता देण्यात आली आहे.