प्रेमभावाचे कोडे ।

‘प्रेमभाव’ या शब्दात असती अक्षरे चार ।
काय हे कोडे करा विचार ।। १ ।।

प्रेमभावाचे मूर्तीमंत रूप हो ।
पाहिले कुठे भूवरी सांगा हो ।। २ ।।

असे तो विशाल सागर प्रीतीचा ।
आणि सजीव पुतळा भक्तीचा ।। ३ ।।

चेहरा त्यांचा जणू देवी अंबाबाईचा ।
हास्य त्यांचे करी दूर त्रास (टीप १) सर्वांचा ।। ४ ।।

नथ आणि साडीत त्या दिसती देवीसम ।
आभा आणि प्रकाश त्यांचा कोटी सूर्यासम ।। ५ ।।

उत्तरात दडली आहे सनातन गुरुपरंपरेची शक्ती ।
म्हणती त्यांना सर्व साधक प्रेमाने श्रीचित्‌शक्ति (टीप २) ।। ६ ।।

प्रेमभावाचे हे कोडे अती सोपे आणि सरळ ।
कारण आमच्या काकू आहेत पुष्कळ प्रेमळ ।। ७ ।।

श्रीसत्‌शक्ति बिंदाताई यांच्यासंग त्यांचे एकजीव नाते ।
दोघींच्या आश्रये सनातन साधक परिवार वाढे ।। ८ ।।

मुंगी साखरेला लागे, तसे साधक त्यांच्या अवतीभोवती ।
करिती कृती श्री गुरूंच्या मनातले जाणूनी, त्या सत्‌शिष्या शोभती ।। ९ ।।

नमन आमुचे हे श्रीचित्‌शक्तिमाते, तुम्ही स्वीकारा ।
सेवा त्यांची करण्या बळ दे आम्हा बाळांना (टीप ३) हे ईश्वरा ।। १० ।।

टीप १ – वाईट शक्तींचा त्रास

टीप २ – श्रीचित्‌शक्ति (सौ.) अंजली मुकुल गाडगीळ

टीप ३ – साधकांना

– श्री. विनायक शानभाग (आध्यात्मिक पातळी ६६ टक्के), चेन्नई, तमिळनाडू. (१४.१२.२०२१)