काश्मीरमध्ये जिहादी आतंकवादी आणि भारतीय सैनिक यांच्यात चकमक : एका सैनिकाला वीरमरण

श्रीनगर (जम्मू-काश्मीर) – दक्षिण काश्मीरमधील अनंतनाग जिल्ह्यातील कोकेरनाग भागात आतंकवादी आणि सुरक्षादल यांच्यामध्ये झालेल्या चकमकीत सुरक्षादलाच्या एका सैनिकाला वीरमरण आले, तर अन्य एक सैनिक घायाळ झाला. या घटनेनंतर संपूर्ण परिसराला वेढा घालण्यात आला असून आतंकवाद्यांना पकडण्यासाठी शोधमोहीम हाती घेण्यात आली आहे.

या चकमकीत ठार झालेल्या सैनिकाची ओळख आशिक हुसेन अशी झाली आहे. ते ‘भारतीय रिजर्व्ह पोलीस’ दलाच्या बटालियनमध्ये तैनात होते. सध्या ते अमरनाथ यात्रेला सुरक्षा पुरवण्याचे काम करत होते. गोळी लागल्यानंतर त्यांना तात्काळ जवळच्या रुग्णालयात नेण्यात आले; परंतु उपचाराच्या वेळी त्यांचा मृत्यू झाला.