गलवानमध्ये भारत आणि चीन सैन्यात संघर्ष झालेला नाही ! – भारतीय सैन्य

भारतीय सैन्याकडून ‘द हिंदु’चा खोटारडेपणा उघड !

नवी देहली – भारत आणि चीन यांच्या सैनिकांमध्ये गलवान खोर्‍यात पुन्हा एकदा संघर्ष झाल्याचा दावा करणार्‍या ‘द हिंदु’ या इंग्रजी दैनिकाच्या वृत्ताचे भारतीय सैन्याने खंडन केले आहे. यासंदर्भात भारतीय सैन्याने एक निवेदन जारी केले असून यासंदर्भातील परिस्थिती स्पष्ट केली आहे.

‘No face-off took place between India, China in May 1st week’: Army denies ‘The Hindu’ report: https://t.co/XeitConkTG via @eNewsBharati @adgpi @SpokespersonMoD @DefenceMinIndia @rajnathsingh @the_hindu #China #faceoff #India #IndianArmy #indianArmys

— News Bharati (@eNewsBharati) May 24, 2021

भारतीय सैन्याने सांगितले की, २३ मे या दिवशी ‘द हिंदु’मध्ये ‘गलवान खोर्‍यामध्ये चिनी सैन्यासमवेत झडप’, असे ठळक वृत्त प्रकाशित करण्यात आले होते. याविषयी आम्ही स्पष्ट करतो की, मे २०२१ च्या पहिल्या आठवड्यात पूर्व लडाखमधील गलवान खोर्‍यामध्ये भारतीय आणि चिनी सैनिक यांच्यामध्ये असा संघर्ष झाला नव्हता. पूर्व लडाखमधील समस्यांचे लवकर निराकरण व्हावे, यासाठी प्रक्रिया चालू आहे. सैन्य अधिकारी किंवा अधिकृत स्रोताकडून कोणतीही माहिती देईपर्यंत प्रसारमाध्यमांनी कोणतेही वृत्त प्रसिद्ध करू नये.