माघ यात्रेच्या पार्श्‍वभूमीवर आवश्यक उपाययोजना कराव्यात !

प्रशासनाकडून संबंधित विभागांना सूचना

पंढरपूर (जिल्हा सोलापूर) – माघ यात्रेच्या निमित्ताने राज्यातून, तसेच राज्याबाहेरील भाविक मोठ्या प्रमाणात येथे येण्याची शक्यता आहे. या काळात कोरोनाचा संसर्ग वाढू नये, यासाठी प्रशासनाकडून आवश्यक त्या उपाययोजना करण्याच्या सूचना संबंधित विभागांना देण्यात आल्या आहेत. याविषयी सांस्कृतिक भवन येथे बैठकीचे आयोजन करण्यात आले होते.

कोरोनाच्या संकटकाळात माघ वारी पार पडत असल्याने कोरोनाचा संसर्ग रोखण्यासाठी शासनाच्या सर्व मार्गदर्शन सूचनांचे पालन करून आवश्यक आरोग्य सुविधा उपलब्ध ठेवण्याच्या संदर्भात आरोग्य विभागाने नियोजन करावे, तसेच आवश्यक त्या ठिकाणी प्रथमोपचार केंद्राची उभारणी करावी, अशा सूचना संबंधित विभागांना या वेळी देण्यात आल्या.