नंदुरबार येथे हिंदु सेवा साहाय्य समितीच्या वतीने ‘गोपूजन आणि मातृ-पितृ पूजन दिवस’ साजरा !

नंदुरबार, १६ फेब्रुवारी (वार्ता.) – येथील हिंदु सेवा साहाय्य समितीने १४ फेब्रुवारी ‘गोपूजन दिवस’ आणि ‘मातृ-पितृ पूजन दिवस’ म्हणून साजरा करण्याचे आवाहन केले होते. त्याप्रमाणे समितीच्या वतीने अरिहंत गोशाळा, चौपाळे या ठिकाणी विधिवत् गोपूजन करण्यासाठी आणि तरुण मुलांशी संवाद साधण्यासाठी अधिवक्ता सुशील गवळी, अधिवक्ता हर्षल साळी, पत्रकार मिलिंद भालेराव, गोशाळेचे दिलीप जैन, गौतम जैन, हिंदु सेवा साहाय्य समितीचे डॉ. नरेंद्र पाटील आदी उपस्थित होते. आलेल्या तरुण मुलांनी गोशाळेतील गोवंशियांना चारा-पाणी दिले आणि गोमातेची सेवा केली.