राज ठाकरे यांना जामीन संमत

काय आहे प्रकरण ?

२६ जानेवारी २०१४ या दिवशी वाशी येथील विष्णुदास भावे नाट्यगृहात मनसेचा कार्यकर्ता मेळावा आयोजित करण्यात आला होता. या मेळाव्याला मार्गदर्शन करतांना राज ठाकरे यांनी महाराष्ट्रातील पथकरनाक्यावरून ‘सर्वसामान्य जनतेच्या पैशावर दरोडा टाकला जात असून यांना अद्दल घडवा’, असे वक्तव्य त्यांनी केले होते. त्यानंतर काही वेळातच नवी मुंबईतील मनसेच्या कार्यकर्त्यांनी वाशी खाडी पुलावरील पथकर नाक्याची जोरदार तोडफोड केली होती. या प्रकरणी राज ठाकरे, गजानन काळे यांसह एकूण ७ जणांवर वाशी पोलीस ठाण्यात गुन्हा नोंद करण्यात आला होता; मात्र याविषयी अनेक वेळा राज ठाकरे यांना पोलिसांनी समन्स देऊनही ते न्यायालयात उपस्थित न राहिल्याने अखेर न्यायालयाने त्यांच्या विरोधात वॉरंट काढले होते. येत्या ६ फेब्रुवारी या दिवशी न्यायालयात उपस्थित राहून कायदेशीर प्रक्रिया पूर्ण करण्याचे आदेश न्यायालयाने ठाकरे यांना दिले होते.