शरजील उस्मानी याच्या हिंदु धर्मविरोधी प्रक्षोभक विधानावर कायदेशीर कारवाई करा ! – श्रीशिवप्रतिष्ठान हिंदुस्थान

सातारा, ६ फेब्रुवारी (वार्ता.) – एल्गार परिषदेमध्ये शरजील उस्मानी या धर्मांध युवकाने हिंदु धर्मविरोधी प्रक्षोभक विधाने केली आहेत. त्यामुळे त्याच्यावर कडक कायदेशीर कारवाई करण्यात यावी, अशी मागणी सातारा येथे श्रीशिवप्रतिष्ठान हिंदुस्थानच्या वतीने जिल्हाधिकारी शेखर सिंह यांच्याकडे निवेदनाद्वारे करण्यात आली. नायब तहसीलदार उबारे यांनी निवेदन स्वीकारले.

या वेळी श्रीशिवप्रतिष्ठान हिंदुस्थानचे तारळे येथील धारकरी सर्वश्री स्वप्नील माळी, प्रथमेश सपकाळ, संग्राम देशमुख, सातारा येथील आेंकार डोंगरे, शुभम शिंदे, अजिंक्य गुजर, अंगापूर येथील ऋषिराज कणसे, हिंदु जनजागृती समितीचे श्री. हेमंत सोनवणे आदी उपस्थित होते.