कुठे चित्रपटगृह पाडून हिंदु मंदिर उभारण्यासाठी प्रयत्न करणारी अमेरिका आणि कुठे विकासाच्या नावाखाली मंदिरांना पाडणारा भारत !

हूवर (अलाबामा, अमेरिका) येथे हूवर नियोजन आणि झोनिंग आयोगाच्या झालेल्या बैठकीत येथील ३८ सहस्र चौरस फूट जागेत वसलेले चित्रपटगृह पाडून ती जागा हिंदु मंदिरास देण्याची शिफारस करण्यात आली. बर्मिंगहॅमच्या प्रीतेश पटेल यांनी बोचासनवासी श्री अक्षर पुरुषोत्तम स्वामीनारायण संस्थेच्या वतीने केलेला हिंदु मंदिराचा प्रस्ताव आता अंतिम संमतीसाठी हूवर नगरपरिषदेकडे पाठवला जाणार आहे. अमेरिकेत अनुमाने ३० लाख हिंदू आहेत.