नाशिक येथील मनसेच्या कार्यकर्त्यांकडून एस्.टी.वर छत्रपती संभाजीनगरचे फलक लावून आंदोलन

नाशिक – औरंगाबाद शहराचे नामांतर करून या शहराला ‘छत्रपती संभाजीनगर’ हे नाव द्यावे, अशी मागणी करून महाराष्ट्र नवनिर्माण सेनेच्या कार्यकर्त्यांनी येथील बस स्थानकातील एस्.टी.बसवर ‘छत्रपती संभाजीनगर’ असे फलक लावत ३ जानेवारी या दिवशी आंदोलन केले. २६ जानेवारीपर्यंत औरंगाबाद शहराचे नाव ‘छत्रपती संभाजीनगर’ करावे, अशी मागणीही मनसेने राज्य सरकारकडे केली आहे.