(म्हणे) ‘शिवाजी महाराज आणि संभाजी महाराज या महापुरुषांनी ‘धर्मनिरपेक्ष’ राज्य स्थापन केले !’ – सचिन सावंत, प्रवक्ते, काँग्रेस

मुसलमानांच्या लांगूलचालनासाठी इतिहास नाकारून हिंदवी स्वराज्याला ‘धर्मनिरपेक्ष’ ठरवणारे हिंदुद्रोही काँग्रेसवाले !

मुंबई, ३ जानेवारी (वार्ता.) – छत्रपती शिवाजी महाराज आणि छत्रपती संभाजी महाराज हे रयतेचे राजे होते, केवळ हिंदूंचे नव्हे. ते केवळ मराठा समाजाचे राजे नव्हते, तर अठरापगड जातींचे ते राजे होते. त्या काळी जातीविरहित ‘धर्मनिरपेक्ष’ राज्य या महापुरुषांनी स्थापन केले, असे ‘ट्वीट’ करून काँग्रेसचे प्रवक्ते आणि सरचिटणीस सचिन सावंत यांनी छत्रपती शिवाजी महाराज यांनी स्थापन केलेल्या हिंदवी स्वराज्याला ‘धर्मनिरपेक्ष’ ठरवणारे वक्तव्य केले आहे. (छत्रपती शिवाजी महाराजांना ‘धर्मनिरपेक्ष’ ठरवून मुसलमानांचे लांगूलचालन करण्याचा आणि हिंदूंना तेजोहीन करण्याचा प्रयत्न काँग्रेसवाले गेली अनेक दशके करत आहेत; मात्र त्याचा हिंदु समाजावर परिणाम झाला नाही. यामुळे काँग्रेसचे खरे स्वरूप उघड होऊन हिंदूंना त्यांना मतपेटीद्वारे धडा शिकवला. तरीही काँग्रेसवाल्यांना शहाणपण सुचत नाही, हे दुर्दैवी ! – संपादक) औरंगाबादचे नामकरण ‘संभाजीनगर’ करण्याच्या विरोधात भूमिका मांडण्यासाठी सावंत यांनी वरील ‘ट्वीट’ केले.

त्याचबरोबर ते केवळ मराठा समाजाचे राजे नव्हते तर अठरापगड जातींचे ते राजे होते. ज्या विचारांनी शिवाजी महाराजांच्या राज्याभिषेकाला विरोध केला संभाजी महाराजांनाही त्यांनी विरोधच केला. त्याकाळी जातीविरहीत धर्मनिरपेक्ष राज्य या महापुरुषांनी , आमच्या दैवतांनी स्थापन केले.

— Sachin Sawant सचिन सावंत (@sachin_inc) January 2, 2021