कृष्णा, असा काय गुन्हा घडला; म्हणून तू कोरोना दिला ।

कृष्णा, असा काय गुन्हा घडला ।
म्हणून तू कोरोना दिला ॥ ध्रु.॥

हवा-पाणी तूच दिलेस ।
संपूर्ण सृष्टीला तूच जगवतोस ॥
अचानक कसा कोप घडला ।
कोरोनासारखा रोग दिला ॥ १ ॥

कृष्णा, सध्या बासरी ठेव खाली ।
कोरोनाला दे मूठमाती ।
तुझी जगावरी सत्ता ।
उशीर लावू नकोस आता ॥ २ ॥

संकट आले पृथ्वीवरी ।
त्वरित ये सत्वरी ।
हे गिरिधारी, तू दयाळू असता ।
असा कसा तुझा कोप झाला ॥ ३ ॥

सर्व प्राण्यांना सुखी ठेव सदा ।
हेच मागणे करतो हा दास सुधा ॥ ४ ॥

– श्री. सुधाकर के. जोशी (वय ९१ वर्षे), सनातन आश्रम, देवद, पनवेल. (८.४.२०२०)