देहलीतील आंदोलनात ९८९ गुन्हेगारांचा समावेश ! – Delhi Police

नवी देहली – देहलीत कॉकरोच जनता पक्षाच्या २० जुलैला झालेल्या आंदोलनात गुन्हेगारांचा समावेश होता, अशी धक्कादायक माहिती देहलीचे पोलीस आयुक्त अनुराग कुमार यांनी सरकारला दिलेल्या अहवालाद्वारे देण्यात आली आहे. या आंदोलनात पोलिसांवर आक्रमण करणे, वाहनांची तोडफोड करणे आदी घटनांत सहभाग असल्याचे आढळलेल्या एकूण २ सहस्र ८७३ लोकांचे पोलिसांनी अन्वेषण केले. त्यांपैकी ९८९ जणांची गुन्हेगारी पार्श्वभूमी असल्याचे आढळून आले.

या अहवालानुसार आंदोलनस्थळी उपस्थित असलेले अनेक जण केवळ किरकोळ गुन्हेगारच नव्हे, तर सराईत आणि वारंवार गुन्हे करणारे होते. यामध्ये हत्या, खुनाचा प्रयत्न, दरोडा, बलात्कार, महिलांवरील गुन्हे, शस्त्र कायदा, अपहरण, अमली पदार्थांशी संबंधित गुन्हे आदींचा समावेश होता. या मोर्च्यामध्ये पूर्वी शिक्षा झालेले ९८९ जण सहभागी झाले होते. यांपैकी १०१ जणांविरुद्ध हत्येसारख्या अत्यंत गंभीर गुन्ह्याची नोंद आहे. पोलिसांनी आधुनिक कॅमेरे, सीसीटीव्ही चित्रीकरण, पोलीस अधिकारी आणि नागरिक यांनी चित्रित केलेले व्हिडिओ यांच्या आधारे या व्यक्तींची ओळख पटवली.

सहभागी आरोपींवरील गुन्हे

आंदोलकांना वारंवार चेतावणी !

पोलिसांच्या म्हणण्यानुसार केवळ जंतरमंतर येथील आंदोलनासाठी अनुमती देण्यात आली होती, संसदेकडे जाणार्‍या मोर्चासाठी ती नव्हती. तरीही आंदोलक तात्पुरते अडथळे (बॅरिकेड्स) तोडून संसदेच्या अगदी जवळ पोचले. पोलिसांच्या म्हणण्यानुसार आंदोलकांना वारंवार चेतावणी दिल्यानंतरच बळाचा वापर करण्यात आला. अनेक वरिष्ठ पोलीस अधिकारीही घायाळ झाले; परंतु त्यांनी संयम राखला.

गुन्हेगारांविरुद्ध कारवाई करणारच !

अहवालात म्हटले आहे की, गुन्हेगारी पार्श्वभूमी असलेल्यांविरुद्ध कारवाई, अटक आणि अन्वेषण चालूच राहील. विद्यार्थ्यांच्या संदर्भात सूट दिली जाऊ शकते.