सौ. स्वाती शिंदे साधकांचा व्यष्टी साधनेच्या आढावा घेत असतांना साधिकेला आलेल्या अनुभूती !

‘रामनाथी (गोवा) येथील सनातनच्या आश्रमात सौ. स्वाती शिंदे (आध्यात्मिक पातळी ६६ टक्के) या साधकांचा व्यष्टी साधनेचा आढावा घेत असतांना साधिकेला आलेल्या अनुभूती पुढे दिल्या आहेत.

१. सौ. स्वाती शिंदे साधकांचा व्यष्टी साधनेचा आढावा घेत असतांना ‘सच्चिदानंद परब्रह्म डॉ. आठवले सत्संगात सूक्ष्मातून उपस्थित असून ते साधक देत असलेला आढावा मनापासून ऐकत आहेत’, असे दिसणे

‘१८.४.२०२६ या दिवशी रामनाथी आश्रमात सौ. स्वाती शिंदे सकाळी ११ ते १२ या वेळेत आमचा व्यष्टी साधनेचा आढावा घेत होत्या. मी ११.३० वाजता सहजच डोळे बंद करून बसले होते. त्या वेळी मला सूक्ष्मातून दिसले, ‘प.पू. गुरुदेव (सच्चिदानंद परब्रह्म डॉ. आठवले) सत्संगात उपस्थित असून ते साधक देत असलेला आढावा मनापासून ऐकत आहेत.’ ते पाहून मी आश्चर्यचकित झाले. मी त्वरित कृतज्ञता व्यक्त केली.

२. शरिरावर रोमांच येणे आणि आढावा संपेपर्यंत ‘ब्रह्मरंध्रातून थंड लहरी शरिरात जात आहेत’, असे जाणवणे

वरील दृश्य पाहून माझ्या शरिरावर रोमांच आले. आमचा आढावा संपेपर्यंत माझ्या ब्रह्मरंध्रातून थंड लहरी शरिरात जात होत्या. जणू वातानुकूलित यंत्र (‘एअर कंडिशनर’) लावल्याप्रमाणे वातावरण थंड झाले होते. माझे मन कृतज्ञतेने भरून आले.

या अनुभूती दिल्याबद्दल मी प.पू. गुरुदेवांच्या चरणी कोटीशः कृतज्ञता व्यक्त करते.’

– श्रीमती राजश्री रमेश भगत, उरण, रायगड. (१८.४.२०२६) ॐ