Muzaffarpur Love Jihad : बिहार – महंमद अरमान याने स्वतः सैनिक असल्याचे सांगून हिंदु तरुणीला अडकवले प्रेमाच्या जाळ्यात !

मुझफ्फरपूर (बिहार) – येथे सामाजिक माध्यमाद्वारे ओळख वाढवून एका २१ वर्षीय हिंदु तरुणीची फसवणूक आणि लूट केल्याचा प्रकार समोर आला आहे. सकरा पोलीस ठाण्याच्या सीमेत रहाणार्‍या महंमद अरमान नावाच्या मुसलमान तरुणाने स्वतः  सैनिक असल्याचे सांगून हिंदु तरुणीला प्रेमाच्या जाळ्यात ओढले. त्यानंतर लग्नाचे आमीष दाखवून त्याने तरुणीकडून पैसे उकळले. कालांतराने तरुणीला ‘त्याचे आधीच लग्न झाले असून तो सायकलच्या दुकानात पंक्चर काढण्याचे काम करतो’, असे समजले. पीडित तरुणीने आरोपीच्या विरोधात पोलिसांत तक्रार प्रविष्ट (दाखल) केली. या तक्रारीच्या आधारे पोलिसांनी मुख्य आरोपीसह ६ जणांविरुद्ध गुन्हा नोंदवून अन्वेषण चालू केले आहे.

१. पहिल्या भेटीपूर्वी अरमान याने सैनिकांसारखी केशरचना केली आणि सैन्याचा गणवेश परिधान करून तो तरुणीला भेटायला गेला.

२. व्हिडिओद्वारे संपर्क करतांना तो सैन्याचा गणवेश आणि शस्त्रेही दाखवायचा. कधी पाकिस्तानच्या सीमेवर तैनात असल्याचे खोटेच सांगायचा, तर कधी आतंकवाद्यांच्या कह्यात असल्याचा खोटा दावा करून पैशांची आवश्यकता असल्याचे भासवायचा.

३. त्याने वेगवेगळ्या वेळी पीडित हिंदु तरुणीकडून ‘ऑनलाइन’ पैसे मागवून घेतले होते. आता पोलीस त्याचा शोध घेत आहेत.