‘गोकुळ’च्या अपकिर्तीच्या विरोधात आज शेतकर्‍यांसमवेत आत्मक्लेश आंदोलन ! – डॉ. युवराज येडूरे, सामाजिक कार्यकर्ते 

कोल्हापूर – जिल्ह्यातील सर्व शेतकरी परिवाराची आर्थिक, सर्वांगिण प्रगतीसाठी मोलाचे योगदान देत असलेल्या ‘गोकुळ’ची निवडणूक पार्श्वभूमीवर चालू असलेल्या अपकीर्तीसाठी ८ जुलैला ‘आत्मक्लेश आंदोलन’ करण्यात येणार आहे, अशी माहिती सामाजिक कार्यकर्ते युवराज येडुरे यांनी पत्रकार परिषदेत दिली.

डॉ. येडुरे पुढे म्हणाले, ‘‘अलीकडच्या काळात गोकुळ दूध संघाभोवती चालू असलेले आरोप-प्रत्यारोप, राजकीय संघर्ष, अपकीर्तीची मोहीम आणि स्वार्थी राजकारण यामुळे संघाची प्रतिमा मलीन होत आहे. त्यामुळे या संस्थेची प्रतिष्ठा, विश्वासार्हता आणि स्वायत्तता कायम राखणे हे सर्वांचे दायित्व आहे. याच पार्श्वभूमीवर मी एक सामान्य दूध उत्पादक, सभासद आणि या संस्थेचा हितचिंतक म्हणून ‘गोकुळ’च्या अस्तित्वाचे, प्रतिष्ठेचे आणि हिताचे संरक्षण व्हावे, या उद्देशाने एक दिवसीय आत्मक्लेश आंदोलन करण्याचा निर्णय घेतला आहे.’’