कर्नाटकातील काँग्रेसच्या प्रदेशाध्यक्षाला संघाच्या नेत्याने बजावली कायदेशीर नोटीस

बेंगळुरू (कर्नाटक) – रा.स्व. संघाचे नेते राम माधव यांनी पाकिस्तानच्या अधिकार्‍यांशी गुप्तपणे चर्चा केली, असा गंभीर आरोप कर्नाटकातील काँग्रेसचे प्रदेशाध्यक्ष  बी.के. हरिप्रसाद यांनी शहरात नुकत्याच घेतलेल्या पत्रकार परिषदेत केला होता. या संदर्भात राम माधव यांनी हरिप्रसाद यांना कायदेशीर नोटीस बजावली आहे. ‘माझी प्रतिष्ठा आणि प्रतिमा मलिन करण्याच्या उद्देशाने हे खोटे विधान करण्यात आले आहे’, असे म्हणत राम माधव यांनी भारतीय न्याय संहिता कलम ३५६ च्या अंतर्गत कारवाई करण्याची चेतावणी दिली आहे. ‘हरिप्रसाद यांनी त्यांच्या विधानाविषयी तात्काळ क्षमा मागावी’, असे नोटिसीमध्ये नमूद करण्यात आले आहे.

लंडन येथील हिल्टन हॉटेलमध्ये राम माधव यांनी पाकिस्तानच्या ‘आय.एस्.आय.’च्या (इंटर सर्व्हिसेस इंटेलिजन्स – आंतरसेवा गुप्तचर यंत्रणेच्या) माजी मेजर जनरलसोबत एकूण ४ वेळा गुप्त बैठका घेतल्या आहेत, असा आरोप हरिप्रसाद यांनी केला होता.