साधकांना साधनेत पुढे नेण्यासाठी आणि त्यांचा उद्धार करण्यासाठी पृथ्वीवर येऊन सगुणातील कार्य करणारे संत अन् सद्गुरु !

सद्गुरु राजेंद्र शिंदे यांनी त्यांची आई श्रीमती प्रभावती शिंदे यांच्या निधनाच्या दिवशी आईसाठी नामजपादी उपाय करणे आणि साधकांचा व्यष्टी साधनेचा आढावाही घेणे

‘९.१.२०२६ या दिवशी दुपारी २.०८ वाजता सद्गुरु राजेंद्र शिंदे यांच्या आई श्रीमती प्रभावती शिंदे (आध्यात्मिक पातळी ६६ टक्के, वय ९० वर्षे) यांचे निधन झाले. त्या दिवशी सकाळपासूनच सद्गुरु राजेंद्र शिंदे आईजवळ बसून नामजपादी उपाय करत होते.

त्याच दिवशी सकाळी १० ते ११ या कालावधीत सद्गुरु राजेंद्रदादांनी आमच्या व्यष्टी साधनेचा ‘ऑनलाईन’ आढावा घेतला. ते ‘आईच्या लिंगदेहाला पुढे जाण्यात कोणताही अडथळा येऊ नये’, या दृष्टीने नामजपादी उपायही करत होते आणि त्याच वेळी साधकांचा आढावा घेऊन त्यांना साधनेची दिशाही देत होते. या प्रसंगातून ‘संत आणि सद्गुरु हे साधकांना साधनेत पुढे नेण्यासाठी अन् त्यांचा उद्धार करण्यासाठी पृथ्वीवर येऊन सगुणातील कार्य करत आहेत’, हे लक्षात येते.