Delhi Train Death :  देहलीमध्ये रेल्वेत चढण्यावरून झालेल्या वादातून प्रवाशाची हत्या

नवी देहली – देहलीतील शाहदरा रेल्वे स्थानकाच्या फलाट क्रमांक ३ वर २० जूनच्या सकाळी योगा एक्सप्रेसच्या सामान्यवर्गाच्या डब्यामध्ये चढण्यावरून प्रवाशांमध्ये वाद झाला. यातून एका प्रवाशाला झालेल्या मारहाणीत त्याचा मृत्यू झाला. पंकज धामा (वय ३२ वर्षे) असे या प्रवाशाचे नाव आहे. तो देहली मेट्रोमध्ये सुरक्षारक्षक होता आणि कामावरून घरी परतत होता. या प्रकरणी ८ प्रवाशांना अटक करण्यात आली आहे.