कैराना (उत्तरप्रदेश) येथे मुसलमानाच्या विवाह समारंभात आढळले गोमांसाचे पदार्थ !

शामली (उत्तरप्रदेश) – जिल्ह्यातील कैराना गावात असलेल्या ‘मुगल गार्डन मॅरेज होम’मध्ये १८ जूनला फरमान नावाच्या व्यक्तीचा विवाह समारंभ होता. या वेळी जेवणात गोमांसाचे पदार्थ ठेवण्यात आले होते. पोलिसांना याची माहिती मिळताच त्यांनी कार्यक्रम स्थळावरूनच फरमान याच्यासह २ जणांना अटक केली. या प्रकरणी मंगल कार्यालयाच्या मालकालाही आरोपी करण्यात आले आहे.

यशवीर महाराजांकडून ‘मुगल गार्डन मॅरेज होम’वर बुलडोझर चालवण्याची मागणी

हिंदु धर्मगुरु यशवीर महाराज यांनी मंगल कार्यालयावर बुलडोझर चालवण्याची मागणी केली आहे. ते म्हणाले की, ज्या विवाह समारंभात सनातन धर्माच्या आस्थेशी इतका मोठा खेळ खेळला गेला, त्या मंगल कार्यालयाच्या चालकाला त्वरित अटक करण्यात यावी. एकीकडे हा मुसलमान समाज म्हणतो की, गायीला राष्ट्रीय प्राणी घोषित केले पाहिजे, तर दुसरीकडे यांच्या कार्यक्रमात गाय कापून तिच्या मांसापासून पदार्थ बनवले जातात. जर ७ दिवसांचा आत कारवाई झाली नाही, तर शेकडो समर्थकांसह विशाल धरणे आंदोलन करू.