पंतप्रधान मोदी कणखर व्यक्ती ! – Donald Trump

वॉशिंग्टन (अमेरिका) – भारताचे पंतप्रधान मोदी कणखर व्यक्ती आहेत, असे विधान अमेरिकेचे राष्ट्राध्यक्ष डॉनल्ड ट्रम्प यांनी एका मुलाखतीत केले. तसेच ट्रम्प यांनी चीनचे राष्ट्राध्यक्ष शी जिनपिंग यांना मात्र ‘कामापुरते संबंध ठेवणारे’, असे म्हटले. ट्रम्प यांनी सर्वांत दुर्बल नेते कोण ?, या प्रश्नाचे उत्तर देण्यास नकार दिला.

‘एक्सिओस’ या वृत्तसंकेतस्थळाला दिलेल्या मुलाखतीत ट्रम्प म्हणाले की, मला वाटते मोदी फार चांगले आहेत. त्यांच्या देशाची आकडेवारी फार चांगली आहे. ते ‘स्मार्ट’ आहेत. ते युद्धांपासून दूर रहातात. त्यांच्याकडे १५० कोटी लोकसंख्या आहे. त्यांचा देश सर्वांत मोठा आहे. मोदी एक उत्तम नेते आहेत. मोदी यांची पद्धत पूर्णपणे वेगळी आहे. त्यांचा प्रचंड आदर केला जातो. मला ठाऊक आहे की. खरे मोदी हे फार कणखर आहेत.